Soch ke dekho – sirf “mota” kehne par koi itna bhadak jaae ki bandook nikaal ke seedha goli chala de.
Deccan Herald ke report mein Police sources ke mutabik, aisa hi kuch hua Uttar Pradesh mein. Ilzam hai ki bike pe sawar do logon ne ek car wale ko “mota” keh diya. Uske baad car driver ne dono ka lagbhag 20 km tak peecha kiya, unko overtake karke gaadi rukwayi… aur bina kuch soche samjhe goli chala di .
Goli lagne se dono aadmi seriously ghayal ho gaye aur turant hospital le jaya gaya. Police ne case file kar liya hai aur keh rahi hai ki aage ki jaanch chal rahi hai – abhi tak confirm nahi hua hai ki sirf ek lafz “mota” hi reason tha ya koi purani baat bhi thi.
Social media pe log keh rahe hain ki agar yeh sach hai, toh sirf itni si baat pe kisi ki jaan lena… yeh toh pagalpan hai.
Source : UP man shoots after being called fat/Deccan Herald
Aisi hi chaukane wali khabron keliye click kijiye – Hinglishy.com
