Socho zara – kisi ki aankh me 10 cm (4 Inches) lamba zinda keeda mile… Aisa hi kuch hua Mumbai ke ek aadmi ke saath.
India Today ke report ke mutabik, 60 saal ke Shivkumar naam ke aadmi ko apni aankh me chubhan mehsoos hui. Pehle laga normal dard hoga, par jab dard badha aur aankh laal ho gayi, tab unhone eye specialist Dr. Devanshi Shah se consult kiya.
Aur tab pata chala – unki aankh me ek 10 cm lamba zinda keeda hai!
Doctor ne turant surgery ki, warna Dr. Shah ke mutabik, agar ye keeda dil ya dimaag tak pahuch jaata, toh jaan ko bhi khatra ho sakta tha.
Shivkumar ke bete Sunil bhi shock me aa gaye jab unhone aankh me worm dekha. Shivkumar ne bataya:
“Subah walk pe tha toh aankh me chubhan hui. Eye drops daali aur so gaya. Par baad me aankh bilkul laal ho gayi, tab bhai ke kehne pe Dr. Devanshi Shah ko dikhaya.“
Dr. Shah ne bataya ki aise cases rare hote hain aur ilaaj karna mushkil hota hai. “Agar turant action na liya jaaye, toh ye kaafi khatarnak ho sakta hai”.
Surgery successful rahi, ab Shivkumar ki aankh bilkul theek hai aur dard bhi nahi hai. Unke parivaar ne Dr. Devanshi Shah ka shukriya ada kiya.
⚠️ Reminder: Aankhon ya body me unusual pain ho toh ignore mat karna – waqt pe doctor ko dikhana life saver ho sakta hai.
Source : IndiaToday-Mumbai man eye worm
Aise hi rare aur weird news keliye click kijiye . Hinglishy .
