Auraton keliye makeup keliye pyaar koi chupi cheez nahi hai , lekin kabhi kabhi ye makeup nuksaan bhi kar sakta hai – khaskar jab makeup limit se zyada ho .
Reports ke mutabik aisa hi kuch hua China ke Shanghai Airport pe jab ek aurat ke saath jab facial recognition scanner uska chehra ID se match nahi kar paya – bahut zyada makeup hone ki wajah se .
Is mauke ka video Chinese social media pe viral ho gaya.
Video mein ladki tissue paper se apna makeup saaf karti dikhti hai, jabki ek airport official usse daant te hue kehta hai:
“Sab kuch saaf karo, jab tak passport photo jaisi nahi lagti. Itna makeup kyu kiya? Khud hi museebat bulaayi hai!”
Yeh video September 2023 ki batayi jarahi hai, par ab viral hui hai. Ab tak confirm nahi hua ki ladki scanner pass kar paayi ya nahi, lekin logon ne meme aur hamdardi dono baarish ki hai.
Ek user ne likha:
“Real life mein filter nahi chalta, didi!”
Dusre ne kaha:
“Bechari pehle hi sharma gayi thi, official ko daantne ki kya zarurat thi?”
Aur kuch logon ne scanner technology pe hi sawal utha diya:
“Aaj kal ke scanners itne kamzor hain? Makeup se poora chehra kaise badal gaya?”
Waise, aise maamle naye nahi hain. Isse pehle bhi kuch Chinese auraton ko South Korea se surgery karwaake wapas aate waqt dikkat hui thi, kyunki unka chehra itna badal gaya tha ki passport photo se match hi nahi ho raha tha.
Aap ko kya lagta hai galti aurat ki hai ya scanner ki? Niche comments me bataiye !
Source : Makeup passport Photo
Aisi hi aur atrangi khabron keliye click kijiye . Hinglishy
