Japan se ek shocking khabar saamne aayi hai – South China Morning Post ke mutabik ek 23 saal ki cosplayer ladki, Saki Sato, ne apne boyfriend ka ring finger(anguli) kaat diya… sirf isliye kyunki wo kisi aur se shaadi na kar le. Ilzam hai ki usne kata hua finger(anguli) alcohol mein daal kar fridge mein bhi rakh diya .
Yeh sab tab hua jab Osaka ke police ko January mein ek emergency call aayi. 21 saal ke ladke ne bataya ki uski girlfriend ne us par hamla kiya hai breakup ke baad . Police jab pahunchi toh ladke ke gaal aur naak par chot ke nishaan the — aur sabse bada jhatka tab laga jab usne bataya ki uska ring finger kaat ke fridge mein rakha gaya hai.
Ladki ne apni harkat justify karte hue kaha: “Main usse bohot pyaar karti hoon, usko kisi aur se shaadi karte hue nahi dekh sakti thi.”
Internet pe log hairaan hain ki pyar mein insaan itna pagal bhi ho sakta hai.
