NDTV ke reports ke mutabik ek 27 saal ka ladka Imranullah, Assam ka rehne waala, Bengaluru mein mobile shop ko lootne nanga ghus gaya — sirf isliye kyunki uske naye kapde kharab na ho jaayein!
Reports ke mutabik ye chori Hongasandra ke Hanuman Telecom mein hui, raat 1:30 se 3 baje ke beech. CCTV mein dikh raha tha ki ek aadmi bina kapdon ke, sirf face mask aur bag leke, 2-foot ke hole se andar ghusa, light nahi jalayi, aur sirf mehngi phones chura ke nikal gaya.
Uska plan tha phones black market mein bech kar girlfriend ke liye gifts lena. Police ne agle din use pakad liya. Saath mein ek aur aadmi tha jo bahar nazar rakh raha tha — uski talaash jaari hai.
Dukaan ke malik ne bola: “Main sirf ek raat ke liye gaya tha, aur ye ho gaya.” Police ne phones recover kar liye hain, aur case register kar diya gaya hai.
Pyar me aadmi andha hojata hai ye to suna tha , magar pyar me nanga bhi hojata hai ye aaj dekhliya .
