Social media kab kisi ko raato raat Star bana de ye koi nahi jaanta . Aur yahi internet ki khoobsoorati hai .
Aise hi hua Meerut ke Shadab Hasan, yaani Shadab Jakati (10 wala biscuit wala aadmi) ke saath. Ek chhote se video aur ek dialogue ne poora internet hilaa diya โ aur bas raaton raat, Shadab ke millions me fans hogaye aur bade bade celebrities jaise ki Bhuvan Bam ne inke saath video banayi aur inhe Brand deals bhi milne lage .
Yaha se hui thi Shuruat
Shadab jakati ne apne Instagram pe ye video daali thi .
- Ye video shuruat se hi Viral hone lagi phir dheere dheere memers ne isko ek trend bana diya .
- Log unke anokhe chalne ke tariqe aur dialogue bolne ke andaz pe fida ho gaye.
- Fans memes banate rahe, reels banate rahe, aur har jagah bas ek hi dialogue dikhne laga : โ10 wala Biscuit ka Packet kitne ka hai Ji?โ
Ye diaogue itna viral hua ki Badshah , Bhuvan Bam (aka BB ki Vines) aur Rinku Singh jaise bade starts ne bhi unki mimicry karte hue video banayi .
Viral hone ke Baad
Is trend ko shuru hue ek mahine se zyada hochuka hai lekin abhi bhi ye thamne ka naam nahi lerha hai aur memes bante jarhe hain .
Shadab Jakati ke chalne ke tarika aur Struggle .
Viral hone ke piche unke chalne ka unique tareeqa bhi tha jiske baare me Shadab ne khud ek video me bataya ki:
โMain 6 mahine se bistar par tha, ek gambheer beemari se lad raha thaโฆ lekin maine video banana nahi chhoda.โ
Yani, wahi aadmi jo aaj memes me har jagah chaya hua hai, apni zindagi ki sabse badi ladayi lad raha tha. Uski beemari ki wajah se chalne ka andaz thoda alag hai, aur wahi andaz logo ko khoob bhata hai .
Shadab jakati ka faeda
Halaki ye viral meme/trend abhi bhi ruka nahi hai magar isne Shadab Jakati ko ek nayi pehchaan dedi hai .
Shadab ke Instagram pe : 2.2 Million followers aur Youtube pe 4 Million + Followers ho chuke hain . Aur unhe kayi brands se deals aur collaborations aane lagi hain .
Conclusion
Shadab Jakati , Bhupendra Jogi , Ranu Mandal ye sab proof hai ki internet kabhi bhi kisi bhi aam insaan ko aasman tak pahuncha sakti hai . Aise hi aur Viral khabron keliye check kijiye : Hinglishy/Viral
Agar aapko Shadab Jakati ka style pasand hai, comment me batao aur memes share karna mat bhoolna.
Tags: #ShadabJakati #ViralStar #Hinglishy #SocialMediaFame #Badshah #BhuvanBam #ComedyTrend
